「新冠長期症狀」是什麼？
新冠肺炎所產生的後遺症有非常多，比較常見嘅後遺症有疲倦、無力、呼吸困難急促、肌肉痛、咳嗽、胸悶、失眠、焦慮、注意力及記憶力下降、情緒低落或認知功能下降等等…嘅情況，而呢啲後遺症被統稱為「新冠肺炎後綜合症」或者「新冠長期症狀」（Post COVID-19 syndrome）。而新冠長期症狀患者的具體表現、程度同持續時間會因人而異。
而在新冠肺炎眾多的後遺症中，出現咗新的詞彙，叫做「腦霧」（brain fog）。
腦霧的發現
史丹佛大學神經病學教授Michelle Monje發現，即便是新冠肺炎嘅輕症都會在大腦中引起明顯發炎反應，導致腦細胞失調，從而引發認知障礙。
而《美國醫學會雜誌》期刊在舊年（2021）的研究亦都發現，確診新冠肺炎接受治療後7個月，患者都仲有可能診斷出腦霧。先前更有英國研究統計發現大約有24％的新型冠狀病毒Omicron變異株嘅確診者會發生「腦霧」嘅現象。
腦霧是什麼？
腦霧係一種偶發性的認知功能障礙，可能會有專注力渙散、理解能力及記憶力下降、處理事情的速度變慢、健忘、遲鈍、倦怠、頭痛、頭暈等情況出現。
不過大家又唔洗太過擔心，目前沒有相關證據顯示腦霧會永久性存在，通常大部分人都可以通過保持正面心態而自然痊癒，擔心太多反而唔好。不過如果腦霧問題在兩至三個禮拜冇好轉、反而越嚟越嚴重，咁就代表神經系統某一個部分可能出咗少少問題，應該要去睇醫生啦。除咗腦霧之外，現時亦有唔少針對新冠肺炎後遺症的醫學療程，例如肺部功能、勃起功能障礙等等，如果大家有需要，亦可以預約專科門診留意一下。
