近日台灣報道有一對姐弟發育不正常，母親因為覺得7歲兒子生殖器過於短小，只係長1cm，此帶弟弟去求醫。醫生檢查後發現弟弟嘅狀況確實有異常，係進一步詢問家庭狀況下，發現男童嘅9歲姐姐發育情況同樣有問題，姐姐只有9歲但乳房已開始發育而且已有月經，明顯係性早熟的情況。醫生為姐弟驗尿後，發現兩人尿液所含嘅塑化劑濃度均超過正常值逾3倍，醫院推測患者因居於夜市附近，家人可能長期有買熱食外賣習慣，因此長時間進食使用塑膠製器皿盛載高熱食物所導致兩人發育異常嘅主因。
微波爐食品亦可能易含塑化劑
對於塑膠製品在加熱後釋出塑化劑，繼而被人體攝入之風險，香港食物安全中心指塑膠物料分為多個種類，僅少數在生產過程中必須使用塑化劑，故並未所有塑膠製品均有風險。例如微波爐食品的包裝大多數都係不耐熱嘅塑膠，因此更容易令塑化劑在微波爐受熱後釋出，繼而被人體吸收。
食安中心提塑膠容器安全守則
香港食物安全中心提出多項重點，給予市民參考避免受塑化劑所害。
- 不應使用含「鄰苯二甲酸酯類塑化劑」嘅塑膠盒去盛載食物。
- 如果要用微波爐加熱時使用塑膠盒時，加熱嘅溫度唔應該超過生產商嘅指示。
- 最好用玻璃或不鏽鋼器皿去盛載油性或高溫食物。
- 塑化劑廣泛存在於環境之中，好難好徹底咁去避免攝入，所以其實只需要避免長期過量吸收就可以。
Jdailyhealth提醒，最好用玻璃或不鏽鋼器皿去盛載油性熱食，如只能塑膠器皿盛載，食物和加熱嘅溫度都唔應該太高，以免塑化劑融入食物裹，進食後再被人體吸收，長期且大量吸收塑化劑會影響兒童發育，導致發育不全或性早熟，尤其會干擾男性荷爾蒙，如男性女乳症、隱睪症及小兒氣喘等都被證實與塑化劑有關。因此家長亦應該多留意兒童嘅發育健康。
