非淋病性尿道炎主要因性接觸傳播感染到嘅尿道炎。而非淋病性尿道炎亦係一種極常見嘅性病，根據2021年衞生署統計，患非淋病性尿道炎嘅男性數目高達3,170宗。可引致非淋病性尿道炎嘅微生物有多種，想知道非淋病性尿道炎有咩症狀同點樣預防？咁就要睇埋落去啦！
非淋病性尿道炎的常見徵狀
非淋病性尿道炎嘅患者主要嘅常見病徵有三個。
- 早上起來時，男性尿道或在女性陰道流出少量呈透明， 黏稠狀嘅分泌物。
- 小便頻密及小便時有灼痛感。
- 男性陰莖有刺痛感覺。
非淋病性尿道炎的治療方法
治療非淋病性尿道炎需要服用抗生素，而患者必須服用醫生處方嘅所有藥物，先至有效根治非淋病性尿道炎。為確保徹底根治這病，患者康復後仍需要接受醫生或診所嘅跟進檢查，以防復發，常見嘅復發誘因包括性交或手淫時磨擦過劇，或飲酒過多等。若果缺乏治療或治療不當，可引致睪丸發炎、降低生育能力、非淋病性眼炎、關節炎及尿道炎綜合症等問題。
另外，已受感染嘅性伴侶亦需要同時接受治療，否則有可能會再次受到感染。在治療期間你和你嘅性伴侶應避免有任何性接觸，直至你們雙方都已完成所有藥物療程，並且證實已經痊癒，先可回復性生活。
非淋病性尿道炎的預防方法
預防非淋病性尿道炎的最佳方法係採取安全嘅性行為，最好只與一名伴侶保持專一的性關係，保障自己更可以係進行性行為前確保對方冇受性病感染。同埋記得戴好安全套。
點樣先知自己有冇染上非淋病性尿道炎？
其實如果你懷疑自己中咗招，唔好再諗啦！即刻去睇醫生！醫生會用拭子拭抹尿道，或收集尿液樣本作出診斷。如果中咗，都要記得通知返同你有過性接觸的人去做檢查呀！
資訊來自 香港衞生署 衞生防護中心
