【性病專題】愛滋病冇得醫?!一文睇清愛滋病病徵+治療+預防方法

愛滋病又稱後天免疫力缺乏綜合症。愛滋病係免疫系統受到愛滋病毒感染後,人嘅免疫系統逐漸衰弱所引發出嘅多種疾病。愛滋病主要因性接觸、共用染有愛滋病病毒血液嘅注射工具或者個人物品或母胎傳播感染。愛滋病患者可能一直都未有病徵,外表亦與常人無異。愛滋病患者感染愛滋病病毒後,潛伏期可達10至15年。想知道愛滋病有咩可能出現嘅病徵治療方法同點樣預防?咁就要睇埋落去啦!

愛滋病的常見徵狀

據統計資料顯示, 大約有一半受愛滋病病毒感染的人士會在十年內發展成為愛滋病患者。 至於已受感染而又未病發的人士則稱為受HIV感染者, 他們表面和常人無異, 外表亦沒有特徵, 但卻可將病毒傳染他人。 

而受感染初期,患者可能會出現感冒、發燒、疲倦、淋巴腺腫脹、體重急降等嘅徵狀,又或可能毫無病徵,外表與常人無異。

而經過長時間潛伏期後病發,愛滋病患者嘅免疫系統會受到嚴重嘅破壞,逐漸失去抵抗嚴重疾病嘅能力。病者有可能會患上較罕見嘅肺炎及皮膚癌等「機會性感染」,最終會導致患者死亡。

愛滋病的治療方法

若懷疑自己染上愛滋病,患者可透過血液測試來確定身體是否染有愛滋病病毒抗體。

患者感染愛滋病病毒後,一般需要3個月製造病毒抗體。

當測試呈陽性反應,表示你已感染愛滋病病毒,並可將病毒傳染他人。

如測試呈陰性反應,表示你並未感染愛滋病病毒,或已受到感染但身體尚未製造抗體。若果患上愛滋病,患者必須定期到醫生處或診所覆診,跟進病情嘅進展,同時按需要接受治療。

雖然現時愛滋病仍然係一種無法根治嘅傳染病,但又唔洗過於擔心,現時已可以通過藥物等治療去控制病情。

患者可服用處方藥物,降低血液中嘅病毒含量,減慢病毒惡化,延長及改善生活質素。

愛滋病的預防方法

預防愛滋病嘅最佳方法係採取安全嘅性行為,最好只與一名伴侶保持專一嘅性關係,保障自己更可以係進行性行為前確保對方冇受性病感染。同埋記得戴好安全套。另外,亦記得勿共用注射工具或個人物品,例如剃刀、毛巾及牙刷等。進行針灸或紋身時記得使用即棄或已消毒嘅穿孔工具,以及採用標準的衞生預防措施。

點樣先知自己有冇染上愛滋病?

假如懷疑自己可能受到感染, 就應該去接受愛滋病病毒抗體測試同尋求輔導。

懷疑受感染嘅時候, 切勿前往紅十字會利用捐血嘅抗體測試, 因為在受感染後嘅頭三個月, 患者嘅身體未能夠產生足夠嘅抗體, 雖然血液帶有病毒, 但因此未能在血液測試中顯示出來, 而所捐出的血液所含嘅病毒, 亦可能會傳給他人。

假如有任何疑問, 可以致電衞生署愛滋病服務組嘅愛滋病熱線:2780 2211, 或請教你的家庭醫生。

資訊來自 香港衞生署 衞生防護中心

oct