陰部疱疹係由單純疱疹二型病毒（HSV2）所致，主要因性接觸、接觸患者傷口，或通過接觸受污染物品傳播感染。陰部疱疹患者嘅生殖器會生滿細小嘅水泡。水泡爆破後會留下痛楚或痕癢嘅傷口。想知道陰部疱疹有咩症狀、治療方法同點樣預防？咁就要睇埋落去啦！
陰部疱疹的常見症狀
陰部疱疹患者會出現感冒嘅徵狀，例如頭痛、背痛、淋巴結腫脹或發燒。小便時尿液流經潰爛傷口，引起痛楚。患者嘅生殖器或者肛門部位感到刺痛或痕癢，亦會生細小嘅水泡。而水泡爆裂後亦會留下痛楚嘅傷口，為期2至3星期。要注意嘅係陰部疱疹女患者如果係感染時生産就會將病毒傳染比BB，繼而引發腦炎，甚至死亡。
陰部疱疹的治療方法
雖然現時陰部疱疹仍然係一種無法根治嘅傳染病 ，但又唔洗過於擔心，現時已 可以 通過藥物治療去 管制 病情，舒緩病症引起嘅不適。長期嘅藥物療程亦可以減低復發嘅機會 。
大部份陰部疱疹患者均會復發，亦有部份患者係初次發病之後好耐先才至復發。陰部疱疹患者發病嘅時候可服用止痛藥去減輕痛楚， 患者亦需保持傷口嘅位置乾爽清潔，千其唔好搽同敷軟膏或者乳霜。 日日用暖嘅鹽水去浸洗傷患處一至兩次。咁樣會有助保持傷口乾爽。 患者 需穿戴鬆身嘅衣著同純棉內衣 。 假如小便時刺痛， 可以浸入水中小便。飲用大量開水稀釋尿液同樣可減低小便剌痛嘅症狀。 患者亦需保持均衡飲食、多做運動和多休息，先至可以幫助身體抵抗陰部疱疹復發嘅情況。
陰部疱疹的預防方法
預防陰部疱疹嘅最佳方法係採取安全嘅性行為，最好只與一名伴侶保持專一嘅性關係，保障自己更可以係進行性行為前確保對方冇受性病感染。同埋記得戴好安全套。另外，亦要注意避免將病毒傳播至身體其他部位。接觸傷患處之前或之後，亦應該用番皂去清潔雙手。
點樣先知自己有冇染上陰部疱疹？
如果懷疑自己可能受到感染， 就應該去醫院檢查， 醫生會用拭子去拭抹傷患處，同埋收集尿液樣本做出診斷。 此外 ，曾與你有性接觸的人士亦應一同接受檢查。
資訊來自 香港衞生署 衞生防護中心
