有唔少中年人成日話腰酸骨痛，其實呢個係腎陰虛嘅問題？！今日 JdailyHealth 小編就同大家問問中醫師，睇吓可以點樣改善腎陰虛嘅問題！
腎陰虛可以點改善？
答：六味地黃丸最主要係治療腎陰虛。
六味地黃丸係咩嚟？
答：六味地黃丸，名字叫做丸係因為古方中會將呢個做成藥丸，現代亦有中成藥會將其做成藥丸，亦會用來煲湯煲藥。
六味地黃丸嘅配方係咩？
答：六味地黃丸顧名思義係包含咗六種藥材，三補藥、三瀉藥。即係其中三味係補益嘅藥材，三味係瀉嘅藥材，瀉藥並唔係令你肚瀉嘅意思，而係清虛熱、去濕濁。
當中六味地黃丸嘅三補藥材包括熟地黃、淮山、山萸肉。
- 熟地黃用以補腎、補血。
- 淮山可以健脾、補肺腎。
- 山萸肉可以補肝腎，亦有固澀嘅作用。
另外嘅三瀉藥材，包括有澤瀉、丹皮、茯苓。
- 澤瀉嘅作用就係，由於熟地比較滋膩，而澤瀉就可以抵消到佢嘅滋膩，可以清下焦嘅熱
- 丹皮有清熱涼血嘅作用
- 茯苓有祛濕嘅作用
三補藥三瀉藥…咁會唔會抵消咗對方嘅作用㗎？
答：其實就唔會嘅，因為藥材嘅份量並唔同。六味地黃丸都係以補為主，所以係呢個配方入面：
- 熟地用八錢
- 淮山和山萸肉各用四錢
- 而澤瀉、丹皮和茯苓就各用三錢
所以係呢個配方入面嘅比例就係以補為主，又因為同時有補有瀉嘅藥，佢哋會相和相濟、不燥不寒，所以係一個滋補腎陰嘅傳統古方。
腎陰虛會有咩徵狀？
答：腎陰虛通常舌頭會紅且沒有舌苔，而且平時會覺得手中心發熱、骨蒸潮熱，人會成日覺得㷫熱、喉嚨乾燥，且夜晚睡覺嗰陣會盜汗、夜間出汗。
而且腎陰虛嘅人會腰膝酸痛，成日搥腰去舒緩腰痛。嗰啲並唔係結構性或者退化性嘅問題，而係腎虛嘅問題。
中年人有時工作過勞就好容易會出現腰酸膝痛等腎虛嘅情況。呢個情況就適合用六味地黃丸去紓緩。
醫師亦提及大家常有係朝早有腳跟發痛，但起身後活動咗半個鐘頭後又唔再痛嘅情況。抑或有啲人上落樓梯嗰陣膝頭痛，但平路嗰陣又冇問題。有時會頭暈眼花、耳鳴耳聾。另外牙齒唔堅固、牙齒鬆、遺精等，以上都係情況腎陰虛所造成嘅問題。
六味地黃丸亦可用於邊啲疾病？
答：
- 慢性腎炎
- 肺結核
- 高血壓
- 糖尿病
- 中心性視網膜炎
- 甲狀腺功能亢進
六味地黃丸係咪女性都可以服用？
六味地黃丸對於女性有滋補腎陰嘅功用，女性會有嘅無排卵功能性子宮出血、更年期綜合症亦都適合服用六味地黃丸。
六味地黃丸可以加其他藥材？
係六味地黃丸嘅基礎上，亦可以加其他藥材，亦可以有唔同嘅功效。
例如加 知母、黃柏各兩錢，就係知柏地黃丸（坊間叫做八味地黃丸）。知柏地黃丸中滋陰、清虛熱嘅效果增強，更有助改善更年期潮熱、盜汗、睡眠質素差嘅情況。
另外，加上杞子、菊花各三錢，就係杞菊地黃丸。杞菊地黃丸有補肝、補腎陰、明目嘅效果，對有眼疾或眼睛乾澀嘅人士，或者其他眼疾嘅早發階段亦有紓緩、延緩、改善嘅功效。例如白內障、青光眼、眼底黃班病變等眼疾，及早服用杞菊地黃丸有機會改善或延緩病情進展。
醫師提提你：
以上嘅講解同配方都只係供給大家參考，如果想針對性咁改善問題，最好都係揾中醫師診斷同調整呀。
想試吓服用六味地黃丸唔洗去執藥嘅～
依家市面上有直接製成藥丸嘅
可以在 JDailymall選購 位元堂 六味地黃丸：價錢為$99一盒，有興趣嘅朋友可以按下面嘅傳送門睇吓：https://www.jdailymall.com/product/wai-yuen-tong-look-mei-pills-20sachets/
有冇優惠碼？
呢家購買可享有$50優惠！
使用「healthnews50」 優惠碼
