八大常見性病逐一數 邊一款最多人中招!?

性病(全稱:性傳播疾病,英文簡稱 STD),性病通常都是通過性行為傳染,包括口交、肛交同陰道性行為。而亦有啲性病係會通過皮膚接觸等非性交行為傳染。性病對好多人嚟講可能係無症狀嘅,但其實任何人都有感染性病嘅可能。事實上有好多感染者冇意識到自己已經中招,所以最後冇去到醫院治療,咁樣會提高將性病傳染俾伴侶的風險。

我哋健康研究所就做咗關於性病嘅匿名投票,發現原來有14%嘅香港人因為高危活動差啲中招,更有7%嘅港人有中過招!,咁香港有邊啲常見性病呢,今日就同大家細數八個常見嘅性病。

非淋病性尿道炎(推薦閱讀:感染非淋病性尿道炎點算好?一文睇清三大常見病徵+治療+預防方法

非淋病性尿道炎係男性因性接觸而感染到嘅尿道炎。非淋病性尿道炎係一種極常見的性病,可引致非淋病性尿道炎的微生物有多種。根據2021年衞生署統計,患非淋病性尿道炎的男性數目高達3,170宗。

衣原體

衣原體係一種常見的細菌傳染病,係由衣眼衣原體細菌所致。衣原體係經同患者性交時傳染所得。雖然男性會比較少因為感染衣原體出現併發症,但係如果唔去治療,病菌隨時可能會令睪丸發炎疼痛,甚至導致不育。

尖銳濕疣(推薦閱讀:尖銳濕疣的三大常見成因+三大症狀   不幸中招染性病點算好?

尖銳濕疣俗稱菜花,尖銳濕疣係一種皮膚傳染病,由人類乳突狀瘤病毒所致。患者的生殖器或肛門部位周圍會出現腫塊。尖銳濕疣一般係經由性行為,由直接接觸患者外露的傷口傳播感染。

陰部疱疹(推薦閱讀:陰部疱疹好痛仲會復發?下體生水泡可以點治療?預防陰部疱疹的方法?

陰部疱疹係由單純疱疹二型病毒所致,係直接接觸患者外露傷口感染所得,陰部疱疹患者的生殖器會生滿細小的水泡。水泡爆破後會留下痛楚或痕癢的傷口。陰部疱疹一般係經由性行為傳染。

陰虱病

陰虱病係一種由於虱子感染陰部嘅性病。陰虱只有針頭般嘅大細,通常寄生係人類陰毛中,係一種依靠吸食血液而生嘅寄生蟲。陰虱病主要嘅症狀係感染部位有痕癢同灼熱感。感染陰虱病嘅主要途徑係同患者有親密行為和皮膚間的接觸,或者通過接觸受污染物品而傳播。

淋病

淋病係一種常見的疾病,由淋病雙球菌所致,係經與患者性交傳染得來的疾病。有啲患者可能冇病徵。但大部份患者會係性接觸後兩至五日會出現病徵。一般病徵係小便時感到灼痛,女性性交時感到痛楚,男性尿道流出混濁的奶狀或黃綠色的膿液。

愛滋病

愛滋病又稱後天免疫力缺乏綜合症。愛滋病係免疫系統受到愛滋病毒感染後,人嘅免疫系統逐漸衰弱所引發出的多種疾病。愛滋病係經與患者有性接觸時傳染得來的,亦會因共用染有愛滋病病毒血液的注射工具或者個人物品而傳染,如果懷孕或分娩的女性帶有愛滋病病毒時,母親亦會將病毒傳染給嬰兒。愛滋病患者可能一直都未有病徵,外表亦與常人無異。而患者感染愛滋病病毒後,潛伏期可達10至15年。

梅毒(推薦閱讀:梅毒常見症狀+預防染性病方法:下體生殖器有傷口、無端端感冒又好返勿輕視!

梅毒係由一個叫做梅毒密螺旋體的細菌引起的性病。梅毒係經與患者性交時傳染得來的疾病,亦可以通過與感染者的傷口接觸而傳染。好多梅毒患者可以係多年裏面都冇任何症狀,直到有症狀先可能得知。梅毒係一種嚴重嘅性病,假若冇去醫治,係會引起各種併發症,甚至造成死亡。

同大家簡單介紹咗咁多性傳播疾病,其實都仲未講曬㗎,想知道更多嘅話可以留意吓健康研究所嘅更多文章啦!

資訊來自 香港衞生署 衞生防護中心

香港衞生署 衞生防護中心
oct