養生習慣

點解會有夜尿？背後成因又係點解？ 正常時候，當你熟睡嘅時間身體有一隻荷爾蒙叫ADH 主要作用係叫個腎唔好過濾咁多尿液出嚟，唔是瞓瞓下覺要起身屙尿就唔好啦，瞓醒都唔夠精神，日日係咁身體都唔好 咁如果有夜尿表示左咩呀？ 1. 睇電話/電腦/通訊用品太多了，有份部人頸嘅循環唔好，用得多通訊產品會影響神經系統，跟住影響埋ADH分泌。試下瞓之前唔好睇咁多電話，注意頸項嘅伸展。試過有客人係咁，我建議佢用grounding mat，將啲多餘嘅輻射接返地，就好瞓好多了 2. 瞓之前飲左酒啫，酒都有小毒嘅，身體一定會想盡快屙佢出嚟，個腎開OT 都幫你屙出嚟，衣個小事啫 3. 可能血糖有少少高，如果睡覺嘅時候血糖平過某個水平，身體會醒瞓啲ADH 分泌會少啲。留意返會唔會瞓之前食左/飲左甜嘢啦。如果話冇喎，瞓之前三個鐘都冇食喎，咁就要關注一下啦 4. 太緊張啦，日日都緊張衣樣唔夠完美，嗰樣做得唔好，好多嘢擔心，瞓得唔好，小心，長期落去本身唔腎虛都變腎虛；夠氣都變唔夠氣 5. 真係腎虛，好多時候兼有腰酸，尿清又長，耳鳴等。咁就睇返12大腎虛原因，睇下有冇邊個中啦 總之有問題就早啲了解，早啲處理，拖得越耐，手尾越長

耳鳴耳鳴有好多原因嘅，有啲時候出現耳鳴問題不大，有啲時候出現耳鳴就要注意了 如果你響地盤做，機場做，或者其他高嘈音工作，離開工作環境之後有耳鳴，ok嘅，注意返帶返公司提供嘅個人防護裝備就ok 如果你間唔中都耳鳴，打完丁耳鳴／同條女打戰完幾個回合返耳鳴／食完飯無啦啦耳鳴／坐低起身又耳鳴幾下 咁要注意一下，身體好有機會有啲毛病啦，及早搵出問題嘅原因啦 曾經有位女士，有啲年紀啦，keep 住都耳鳴，原來已經耳鳴左好多年啦，最後搵倒原因係房事不節，最後長食蟲草先可以舒緩下，另外身體其他問題都嚴重。

醫師話「肝主筋，而J又係男人條宗筋，如果肝唔好，條J就唔會好」 因此其實只要護好肝，對男士機能都好有幫助。 今篇就講下有邊種生活習慣對個肝唔好，其中一個就係食得太甜！ 所以話要想肝臟好 首先就要要戒甜做起 顧問： 甜嘢真係好難搞，我本人都用左好多好多方法先可以唔食咁多。 衣家啲廢水呀，可樂，加好多好多白沙糖，白沙糖分解左之後嘅果糖係要好多工程，好傷嫁。 所以點解有啲人生酮食飲食左之後會咁健康，其中一樣就係避左果糖對個肝嘅影響

醫師話「肝主筋，而J又係男人條宗筋，如果肝唔好，條J就唔會好」 因此其實只要護好肝，對男士機能都好有幫助。 今篇就講下有邊種生活習慣對個肝唔好，首先就以夜瞓為首！ 夜瞓 身體嘅氣每日到晚上11點-1點行膽經，1點-3點行肝經，響衣個時間身體應該要瞓緊，等個肝膽都有機會排下毒。 咁好多時候生活響香港，晩上先係難得嘅清靜時間去睇下日本電影/去做下運動/做下愛做的事/打下怪獸/睇下美股。 個肝基本上冇乜邊個話好好嘅。所以開始食下啲護肝嘅補充品，除左精神啲，仲可以減低老左嘅時候個肝患上嚴重疾病嘅風險。 曾經有個太緊張嘅客人問我：最佳嘅瞓覺時間係幾多點？ 本身我叫佢唔好問，答左又做唔倒會傷心，佢話佢想知。 其實最佳一定係太陽落山就休息囉(笑) 都巿人，11點瞓倒好好嫁啦。

呢期唔去得街，又Office多 好多時都手痕打丁 但其實打得太多好易傷，到底點先叫過量？ 有無打到痛既情況？ 顧問不時都會睇到症，有個分享 話說小弟留意倒各巴打都係血氣方剛的年輕男士，打丁嘅次數真是驚人，老老豆豆，日日打一次打，真係會打到丁都痛。 如果打丁打到丁都痛，可以點做？(其實運動後酸痛都幫倒手) 首先，習慣上要注意啦，唔好日日打啦，日日打好快腎虛嫁(鬼唔知阿媽係女人咩)。另外，如果唔用飛機杯都好啦，都用下啲潤滑劑，下下赤手空拳咁好傷嫁。要好好補養呀。

是咁的最近唔少客人表示大便冇咁理想，可能本身都唔係可以日日去嘅，衣家要3日先有一次。 大家留意一下有冇咁嘅情況： 1. 本身日日都好定時有得去大便 > 日日都有得去，但係唔定時 2. 本身日日唔定時有得去 > 屌，唔係日日有得去 3. 本身隔日一次大便 > 仆街，衣家兩三日先有一次，仲要好硬 如果是咁要留意一下啦，試下食完飯，或是搵啲得閒嘅時間，要做郁下兩隻腳，加強一下血氣嘅循環呀 試下： 1. 帶口罩落街行幾個圈，捉下小精靈又好，去睇下囡囡跑步又好，行半個小時 2. 冇公園喎，帶口罩去GYM行下跑步機，行半個鐘，帶定iPad 去睇 3. 冇GYM 冇公園喎，響屋企Un 腳，企響度，雙腳微微屈曲，un5分鐘休息一陣再un ，un半個鐘，可以一路睇Netflix 一路un 平時如果返工飲夠水嘅，可能work from Home 都會飲唔夠，注意返啦 每日都有大便係好重要嫁，唔好睇少呀，大便唔好又唔理，有一日連 J 都硬唔倒嫁。