消委會測試咗28款預先包裝天然牛油、人造牛油同塗抺醬，當中有12款天然牛油同16款人造牛油同塗抺醬。測試項目涵蓋各樣本嘅食物安全同營養素含量，並比較其營養標籤嘅準確度。
消委會牛油測試結果
結果顯示全部12款天然牛油樣本，均沒有檢出有毒污染物「氯丙二醇」或基因致癌物「環氧丙醇」，但壞脂肪酸的含量則相對較高！
但16款人造牛油同塗抺醬樣本中有13款檢出有毒污染物「氯丙二醇」，15款檢出基因致癌物「環氧丙醇」，其中1款樣本「earth balance Original Buttery Spread」嘅檢出量更超出歐盟標準上限。
基因致癌物「氯丙二醇」影響腎臟、神經同生殖系統發育？！
你又知唔知16款樣本入面有13款檢出嘅有毒污染物「氯丙二醇」係咩嚟？
根據食物安全中心指出，氯丙二醇係一種係食物製造、烹煮同其他加工過程（例如油炸、燒烤）中自然產生嘅加工過程污染物。食物中嘅氯丙二醇大部分以氯丙二醇脂肪酸酯嘅形式存係。經加熱處理嘅食物同精煉油脂係攝入氯丙二醇脂肪酸酯嘅主要來源。
而有足夠證據顯示，氯丙二醇會令實驗室動物產生腫瘤。而根據聯合國糧食及農業組織 / 世界衞生組織聯合食品添加劑專家委員會（JECFA）同歐洲食物安全局的報告，長期攝入過量含氯丙二醇3-MCPD嘅食品會損害人體腎臟功能、中樞神經系統，同影響男性嘅生殖系統。
11款樣本營養素含量與測試結果不符
另外，消委會發現，11款樣本所標示嘅營養素含量與測試結果嘅差距唔符合規定，情況欠理想。當中2款嘅飽同脂肪酸含量同6款嘅反式脂肪酸含量，較標示值相差超過2成以上，唔符合食安中心相關規管容忍限。
最後消委會亦表示，牛油、塗抹醬同人造牛油產品都係屬於高脂食品，建議各大消費者儘量少食。
